Візіт у Таджыкістан: Генпракурор Беларусі Андрэй Швед падпісаў Пагадненне аб супрацоўніцтве ў сферы барацьбы з карупцыяй і правёў двухбаковую сустрэчу

Генеральны пракурор Рэспублікі Беларусь Андрэй Швед і Дырэктар Агенцтва па дзяржаўным фінансавым кантролі і барацьбе з карупцыяй Рэспублікі Таджыкістан Султанзода Сулайман Саід падпісалі Пагадненне аб супрацоўніцтве ў сферы процідзеяння карупцыі (далей – Пагадненне), а таксама правялі двухбаковую сустрэчу, на якой абмеркавалі пытанні ўзаемадзеяння.

Падпісанне Пагаднення і сустрэча арганізаваны ў рамках афіцыйнага візіту Андрэя Шведа ў складзе дзяржаўнай дэлегацыі ў Рэспубліку Таджыкістан.

Генпракурор Беларусі выказаў упэўненасць у тым, што арганізацыйна-практычныя інструменты, прадугледжаныя ў Пагадненні, дадуць магчымасць выпрацаваць эфектыўныя меры па барацьбе з карупцыяй і мінімізаваць урон эканамічнай бяспецы для абедзвюх краін.

Пры гэтым бакі падкрэслілі, што ўмацаванне ўзаемавыгаднага супрацоўніцтва ў прававой сферы станоўча паўплывае на падтрыманне парадку ў грамадстве.

У час двухбаковай сустрэчы Андрэй Швед і Султанзода Сулайман Саід адзначылі, што ўзаемадзеянне паміж ведамствамі будзе садзейнічаць абароне правоў і законных інтарэсаў грамадзян, накіравана на прадухіленне і спыненне карупцыйных праяў на карысць развіцця Беларусі і Таджыкістана.

Фота: www.anticorruption.tj

Упраўленне ўзаемадзеяння са СМІ
і рэдакцыйнай дзейнасці
Генеральнай пракуратуры