З удзелам Генеральнага пракурора Рэспублікі Беларусь Андрэя Шведа на пляцоўцы Выканаўчага камітэта СНД у фармаце відэа-канферэнц-сувязі прайшло VI пасяджэнне Міждзяржаўнага савета па процідзеянні карупцыі (далей – МСПК, Савет).
Даведачна. МСПК створаны ў адпаведнасці з Пагадненнем аб утварэнні Міждзяржаўнага савета па процідзеянні карупцыі ад 25 кастрычніка 2013 года (далей – Пагадненне).
Пагадненне падпісалі і ратыфікавалі шэсць дзяржаў: Рэспубліка Беларусь, Рэспубліка Арменія, Рэспубліка Казахстан, Кыргызская Рэспубліка, Расійская Федэрацыя, Рэспубліка Таджыкістан.
Асноўныя напрамкі дзейнасці Савета:
садзейнічанне збліжэнню і гарманізацыі нацыянальнага антыкарупцыйнага заканадаўства;
распрацоўка прапаноў па развіцці прававой базы супрацоўніцтва;
каардынацыя ўзаемадзеяння кампетэнтных органаў дзяржаў – удзельніц Пагаднення, і зацікаўленых органаў СНД у барацьбе з карупцыяй.
У мерапрыемстве прынялі ўдзел генеральныя пракуроры Рэспублікі Арменія, Кыргызскай Рэспублікі і Расійскай Федэрацыі, Старшыня Агенцтва Рэспублікі Казахстан па процідзеянні карупцыі, першы намеснік дырэктара Агенцтва па дзяржаўным фінансавым кантролі і барацьбе з карупцыяй Рэспублікі Таджыкістан, прадстаўнікі Выканаўчага камітэта СНД, Нацыянальнага цэнтра па барацьбе з карупцыяй Рэспублікі Малдова.
У прывітальным слове Андрэй Швед адзначыў, што процідзеянне карупцыі – адзін з прыярытэтаў палітыкі беларускай дзяржавы. Прывёў словы Прэзідэнта Рэспублікі Беларусь аб тым, што «барацьба з карупцыяй на ўсіх узроўнях была і будзе самай рашучай і бескампраміснай».
У якасці кіраўніка Савета канстатаваў рэалізацыю на сёння ўсіх намечаных антыкарупцыйных мерапрыемстваў пад старшынствам Беларусі згодна з планам работы Савета. Адзначыў прыхільнасць да кансалідацыі намаганняў у барацьбе з любымі праяўленнямі злачыннасці, адкрытасць і зацікаўленасць краіны ў дасягненні канкрэтных вынікаў на карысць абароны правоў і законных інтарэсаў грамадзян. Падзякаваў Выканаўчаму Камітэту СНД за створаныя ўмовы для правядзення пасяджэння.
Удзельнікі форума назвалі прадуктыўным двухгадовае беларускае старшынства ў Савеце, а Генеральны пракурор Расійскай Федэрацыі Ігар Красноў выказаў асабістую падзяку Генеральнаму пракурору Рэспублікі Беларусь Андрэю Шведу.
Генеральны пракурор Рэспублікі Беларусь выступіў з дакладам, у якім падзяліўся нацыянальным вопытам антыкарупцыйнай дзейнасці.
Ён праінфармаваў аб змяненнях заканадаўства, якія ўнесены і плануюцца да унясення.
У прыватнасці, расказаў аб увядзенні з 1 сакавіка 2021 года ў Кодэкс Рэспублікі Беларусь аб адміністрацыйных правапарушэннях артыкула, у якім прадугледжана адказнасць юрыдычнай асобы за незаконнае ўзнагароджанне ад яго імя або ў яго інтарэсах.
Паведаміў аб падрыхтоўцы сумесна з зацікаўленымі праекта Закона Рэспублікі Беларусь «Аб змяненні законаў па пытаннях барацьбы з карупцыяй», які будзе ўнесены на разгляд у гэтым годзе. Мэта законапраекта – удасканальванне механізмаў процідзеяння карупцыі, узмацненне і дыферэнцыяцыя адказнасці.
Навелы закрануць і парадак дэкларавання даходаў і маёмасці.
Так, замацаванне атрымае норма, у адпаведнасці з якой дзяржаўныя органы і іншыя арганізацыі змогуць запрошваць і атрымліваць ад праваахоўнікаў звесткі аб карупцыйных дзеяннях работнікаў. Дадзеная інфармацыя можа быць выкарыстана ў кадравай і прафілактычнай рабоце.
На пасяджэнні кіраўнікі ведамстваў абмеркавалі практыку процідзеяння злачынствам супраць інтарэсаў службы ў кожнай з краін Савета, актуальныя праблемы і шляхі іх рашэння, зацвердзілі план работы на 2022 год.
Вывучылі пытанні міжнароднага супрацоўніцтва ў сферы выяўлення карупцыйных правапарушэнняў па-за рамкамі крымінальнага праследавання.
Прааналізавалі выкананне рашэнняў Міждзяржаўнай праграмы сумесных мер барацьбы са злачыннасцю на 2019-2023 гады і рэалізацыю профільнай Канцэпцыі.
Вызначылі ў парадку ратацыі новага Старшыню МСПК – Ахметжанава Марата Муратавіча, Старшыню Агенцтва Рэспублікі Казахстан па процідзеянні карупцыі.
Удзельнікі пасяджэння пагадзіліся з тым, што Савет стаў адной з найбольш аўтарытэтных платформ у сферы міждзяржаўнага супрацоўніцтва ў барацьбе са службовымі злачынствамі і правапарушэннямі. Выказалі ўпэўненасць у тым, што такая работа і далей будзе дапамагаць умацаванню сувязей у антыкарупцыйнай сферы, а абмен вопытам дазволіць прыняць эфектыўныя рашэнні для мінімізацыі выяўленняў такой негатыўнай сацыяльнай з'явы.
У ходзе пасяджэння члены Савета прыйшлі да вываду аб неабходнасці болей актыўна ўцягваць грамадскасць у антыкарупцыйную дзейнасць.
Чарговае пасяджэнне МСПК запланавана правесці ў Кыргызскай Рэспубліцы ў 2022 годзе ў вочным фармаце.
У рамках мерапрыемства Андрэй Швед таксама адказаў на пытанні прадстаўнікоў СМІ, у тым ліку аб асобных выніках расследаванні крымінальнай справы аб генацыдзе насельніцтва Беларусі ў гады Вялікай Айчыннай вайны, адмове Літвы і Латвіі ў аказанні запытанай прававой дапамогі па дадзенай справе.
Фота: Генеральная пракуратура
Упраўленне ўзаемадзеяння са СМІ
і рэдакцыйнай дзейнасці
Генеральнай пракуратуры