Генеральны пракурор Андрэй Швед прыняў удзел у цырымоніі ўзнагароджання пераможцаў Беларускай студэнцкай юрыдычнай алімпіяды

Вось ужо ў 17-ы раз на юрыдычным факультэце Беларускага дзяржаўнага ўніверсітэта вызначылі лепшых студэнтаў-юрыстаў краіны.

У фінал выйшлі 6 каманд з 12 і 12 індывідуальных удзельнікаў з 50.

Хлопцы і дзяўчаты з годнасцю прайшлі тэсты і конкурсы па тэмах:

падрыхтоўка акта правапрымянення;

адказ на зварот грамадзяніна і адказ натарыуса;

праверка навыкаў заканатворчасці і прымірэння;

падрыхтоўка і прадстаўленне пазіцыі ў грамадзянскім судзе;

аналіз справы і падрыхтоўка пазіцыі ў крымінальным судзе;

віртуальны агляд месца здарэння;

факультатыўны конкурс на веданне прафесійнай лексікі на англійскай мове.

Выступленні ўдзельнікаў алімпіяды ацаніла журы, якое складалася з членаў калегій па грамадзянскіх і крымінальных справах.

На падвядзенні вынікаў Генпракурор звярнуўся з прывітальным словам да канкурсантаў: «У няпросты час выпускнікі юрыдычных факультэтаў папаўняюць рады дзяржаўных служачых і годна выконваюць пастаўленыя задачы па абароне нашай Айчыны. Усе мы, юрысты на розных пасадах, павінны забяспечыць стабільнасць у развіцці Беларусі».

Кіраўнік нагляднага ведамства прывёў у прыклад учарашніх выпускніц – дзяржаўных абвінаваўцаў, якія, нягледзячы на шматлікія пагрозы ў іх адрас, на высокім узроўні выконваюць сваю работу.

«Сёння дзяржабвінаваўца не проста спецыяліст высокага класа і юрыст, які ведае матэрыяльнае і працэсуальнае права. Гэта перш за ўсё чалавек, які добра валодае словам, эрудзіраваны, стрэсаўстойлівы, мае ўнутраны стрыжань», – падкрэсліў у сваім выступленні Андрэй Швед.

Генпракурор уручыў дыплом пераможцы ў намінацыі «Лепшы дзяржаўны абвінаваўца» студэнту юрыдычнага факультэта БДУ Івану Аземшу.

Андрэй Швед пажадаў удзельнікам алімпіяды здароўя і поспехаў ва ўсіх пачынаннях, узнагародзіў кожнага памятным падарункам.

 Чытайце падрабязней пра алімпіяду.

 Фота: law.bsu.by

Упраўленне ўзаемадзеяння са СМІ
і рэдакцыйнай дзейнасці
Генеральнай пракуратуры